Waziri Mkuu wa Jamhuri ya Muungano wa Tanzania, Mhe. Dkt. Mwigulu Nchemba, amezindua rasmi Mashindano ya 56 ya Shirikisho la Michezo la Mashirika ya Umma, Taasisi na Makampuni Binafsi (SHIMMUTA), leo tarehe 12 Novemba 2026, katika Viwanja vya Jamhuri mkoani Morogoro, ambapo Mamlaka ya Usimamizi wa Bima Tanzania (TIRA) inashiriki katika michezo mbalimbaliAkizindua mashindano hayo yenye kaulimbiu “Michezo Ituunganishe Kuelekea AFCON 2027”, Mhe. Dkt. Mwigulu amepongeza ushiriki wa wanamichezo zaidi ya 4,000 kutoka taasisi 96 na kutoa wito kwa taasisi kuendelea kushiriki kwa wingi katika mashindano hayo yanayolenga kuimarisha afya, umoja na mshikamano mahali pa kazi. Aidha, amewasilisha salamu za heri katika mashindano hayo kutoka kwa Rais wa Jamhuri ya Muungano wa Tanzania, Mhe. Dkt. Samia Suluhu Hassan.

Kwa upande wake, Naibu Waziri wa Utamaduni, Sanaa na Michezo, Mhe. Hamis Mwinjuma, amesema mashindano hayo yana umuhimu mkubwa katika kuimarisha afya za washiriki pamoja na kuchangia ukuaji wa uchumi wa maeneo yanayokuwa mwenyeji wa mashindano hayo. Aidha, amewataka wanamichezo na viongozi wa SHIMMUTA kuzingatia nidhamu na uadilifu katika kipindi chote cha mashindano ili kuhakikisha yanakuwa ya haki.

Naye Mwenyekiti wa SHIMMUTA, Bw. Marcel Bituro, amezipongeza taasisi zote zinazoshiriki mashindano hayo kwa kuendelea kuunga mkono shughuli za michezo zinazochangia kuimarisha afya na mshikamano miongoni mwa watumishi.

Katika mashindano hayo, TIRA inashiriki katika michezo mbalimbali ikiwemo karata, riadha, bao na michezo mingine, ikiwa ni sehemu ya kuhamasisha afya, ushirikiano na mshikamano miongoni mwa watumishi.

TIRA, Kwa Soko Salama la Bima