Katibu Mkuu Fedha aipongeza TIRA kupata Cheti cha Usimamizi Ubora ISO 9001:2015
Katibu Mkuu wa Wizara ya Fedha, Dkt. Natu El-Maamry Mwamba, ameipongeza Mamlaka ya Usimamizi wa Bima Tanzania (TIRA) kwa kupata Cheti cha Mfumo wa Usimamizi wa Ubora ISO 9001:2015, akieleza kuwa mafanikio hayo yanaonesha dhamira ya TIRA katika kuimarisha mifumo ya kiutendaji, kuongeza ufanisi na kuboresha huduma kwa wananchi na wadau wa sekta ya bima nchini.
Pongezi hizo amezitoa leo Novemba 18, 2026 alipokua Mgeni Rasmi katika hafla yamakabidhiano ya cheti hicho iliyofanyika kwenye ofisi za makao makuu ya TIRA jijini Dodoma.
“Mafanikio hayo ni matokeo ya juhudi, weledi na usimamizi madhubuti wa TIRA katika kutekeleza majukumu yake” amesema Dkt. Mwamba.
Dkt. Mwamba pia ameipongeza TIRA kwa mafanikio mbalimbali, ikiwemo usimamizi mzuri wa rasilimali fedha, ujenzi wa jengo la Makao Makuu na mchango wa sekta ya bima wa asilimia 2.11 katika Pato la Taifa kwa mwaka 2025.
Aidha, ameitaka TIRA kuendelea kuhimiza kampuni za bima nchini kuimarisha mifumo yao ya usimamizi wa ubora ili kuongeza ufanisi na imani ya wateja.
Amewasisitiza Menejimenti na watumishi wa TIRA kuhakikisha cheti hicho hakibaki kuwa pambo la ofisi, bali kiwe chachu ya kuendeleza utamaduni wa uwajibikaji na utoaji wa huduma bora kila siku
Kwa upande wake,
Kamishna wa Bima, Dkt. Baghayo Abdallah Saqware, amesema kukabidhiwa kwa cheti hicho, kinachohusisha ofisi nne za TIRA ambazo ni Makao Makuu, Zanzibar, Dar es Salaam na Kanda ya Mashariki, ni hatua muhimu katika kuimarisha ufanisi, uwajibikaji na ubora wa huduma zinazotolewa na Mamlaka.
Dkt. Saqware ameeleza kuwa mafanikio hayo yametokana na juhudi za pamoja za Menejimenti na watumishi, huku akiwataka kuendelea kufanya kazi kwa weledi, uadilifu na kuhakikisha wananchi na wadau wanapata huduma kwa wakati, uwazi na viwango vinavyokidhi mahitaji yao.
Hafla hiyo pia imetambua mchango wa Shirika la Viwango Tanzania (TBS) katika kutoa utaalamu na mwongozo uliowezesha TIRA kufikia hatua hiyo muhimu ya kuimarisha viwango vya ubora katika utoaji wa huduma.
TIRA kwa soko salama la Bima.
Katibu Mkuu wa Wizara ya Fedha, Dkt. Natu El-Maamry Mwamba, ameipongeza Mamlaka ya Usimamizi wa Bima Tanzania (TIRA) kwa kupata Cheti cha Mfumo wa Usimamizi wa Ubora ISO 9001:2015, akieleza kuwa mafanikio hayo yanaonesha dhamira ya TIRA katika kuimarisha mifumo ya kiutendaji, kuongeza ufanisi na kuboresha huduma kwa wananchi na wadau wa sekta ya bima nchini.
Pongezi hizo amezitoa leo Novemba 18, 2026 alipokua Mgeni Rasmi katika hafla yamakabidhiano ya cheti hicho iliyofanyika kwenye ofisi za makao makuu ya TIRA jijini Dodoma.
“Mafanikio hayo ni matokeo ya juhudi, weledi na usimamizi madhubuti wa TIRA katika kutekeleza majukumu yake” amesema Dkt. Mwamba.
Dkt. Mwamba pia ameipongeza TIRA kwa mafanikio mbalimbali, ikiwemo usimamizi mzuri wa rasilimali fedha, ujenzi wa jengo la Makao Makuu na mchango wa sekta ya bima wa asilimia 2.11 katika Pato la Taifa kwa mwaka 2025.
Aidha, ameitaka TIRA kuendelea kuhimiza kampuni za bima nchini kuimarisha mifumo yao ya usimamizi wa ubora ili kuongeza ufanisi na imani ya wateja.
Amewasisitiza Menejimenti na watumishi wa TIRA kuhakikisha cheti hicho hakibaki kuwa pambo la ofisi, bali kiwe chachu ya kuendeleza utamaduni wa uwajibikaji na utoaji wa huduma bora kila siku
Kwa upande wake, Kamishna wa Bima, Dkt. Baghayo Abdallah Saqware, amesema kukabidhiwa kwa cheti hicho, kinachohusisha ofisi nne za TIRA ambazo ni Makao Makuu, Zanzibar, Dar es Salaam na Kanda ya Mashariki, ni hatua muhimu katika kuimarisha ufanisi, uwajibikaji na ubora wa huduma zinazotolewa na Mamlaka.
Dkt. Saqware ameeleza kuwa mafanikio hayo yametokana na juhudi za pamoja za Menejimenti na watumishi, huku akiwataka kuendelea kufanya kazi kwa weledi, uadilifu na kuhakikisha wananchi na wadau wanapata huduma kwa wakati, uwazi na viwango vinavyokidhi mahitaji yao.
Hafla hiyo pia imetambua mchango wa Shirika la Viwango Tanzania (TBS) katika kutoa utaalamu na mwongozo uliowezesha TIRA kufikia hatua hiyo muhimu ya kuimarisha viwango vya ubora katika utoaji wa huduma.
TIRA kwa soko salama la Bima.
