Mamlaka ya usimamizi wa Bima Tanzania TIRA,hii leo Oktoba 15 mwaka 2026 imefanya Bonanza la kimichezo kwa lililowasharikisha wachezaji wa Bima na wageni waalikwa mbalimbali Bonanza lililofanyika katika viwanja vya Kilimani jijini Dodoma huku likishuhudiwa na Naibu kamishina wa mamlaka ya Bima nchini BimKhadija Saidi.

Akizungumza katika Bonanza hilo Naibu kamishina huyo wa TIRA amesema michezo inasaidia kuuweka mwili katika utimamu ulio sawa, kujenga umoja na mshikamano kwa wafanayakazi wa Taasisi mbalimbali zikiwemo za TIRA.

“Bonanza hili ni zuri na ni moja ya njia nzuri ya kujenga afya na kuimarisha mshikamano kwa sisi wafanyakazi na jamii kwa ujumla” Alisema Bi.Hadija.

Nao washiriki mbalimbali waliohudhuria katika Bonanza hilo wamesema wamefurahishwa kwa namna walivyoshiriki katika michezo mbalimbali na wameomba tamasha kama hilo liwe linafanyika mara kwa mara ili kujenga upendo umoja mshikamano ikiwa ni pamoja kuimarisha afya zao na kuepukana na magonjwa yasiyoambukizwa.

Katika Bonanza hilo ilifanyika matembezi ya hiari pamoja na michezo mbalimbali ya kuvutana kamba,kukimbiza kuku pamoja na mchezo wa mpira wa miguu iliyoshirikisha timu ya mpira wa miguu ya TIRA pamoja na sekta binafsi ambapo hadi mchezo huo unahitimishwa ilishuhudia timu ya sekta binafsi ikiichabanga timu ya TIRA kwa bao 1-0.

Ikumbukwe Bonanza hilo ni shamrashara za kuelekea uzinduzi wa taarifa ya utendaji wa soko la Bima kwa mwaka 2025 itakayozinduliwa na Waziri Mkuu wa Jamhuri ya Muungano wa Tanzania Dkt. Mwigulu Nchemba katika ukumbu wa Njedengwa Mkoani Dodoma.

11h